USD1,7000
EUR1,8634
GBP2,1133
RUB0,0208

Moodys “Bank Respublika”nın idarəedilməsi ilə bağlı - RİSKLƏR GÖRMÜR

01.04.2020 Bank
0 0
“Moody's beynəlxalq reytinq agentliyi “Bank Respublika”nın uzunmüddətli kredit reytinqini “B3” səviyyəsində təsdiqləyib, bu isə, ölkə bankları arasında olan ən yüksək reytinqlərdən biridir”.

“Kommersant.az” xəbər verir ki, bu, “Bank Respublika”nın yaydığı press-relizdə bildirilib.

Qeyd edilib ki, reytinqin təsdiq olunması bankın böyük likvidliyi, kredit risklərinin yüksək təhlil standartları, kredit portfelinin dollarlaşmasının aşağı səviyyədə olması və stresə davamlılığın yaxşı olması ilə bağlıdır.

Moody's bankın korporativ idarəetmə ilə bağlı narahatlığının olmadığını qeyd edib, bu isə öz növbəsində bir çox banklar üçün risklərin qiymətləndirməsində əsas faktordur.

Koronavirusun yayılması və neftin qiymətinin aşağı düşməsi ilə yaranan xarici iqtisadi təzyiq, Bankın reytinqi ilə bağlı proqnozun "pozitivdən"dən “neqativ”ə dəyişməsinə səbəb olub.

“Şadam ki, Moody's beynəlxalq reytinq agentliyi Bankın idarəedilməsi ilə bağlı risklər görmür. Fikrimcə, bazarda stresli vəziyyətlər zamanı bu xüsusilə vacib amildir. Ölkədə sahibkarlığı fəal şəkildə dəstəkləyən bir bank olaraq, əminik ki, dövlətin özəl sektor tərəfindən də dəstəklənən vaxtında və adekvat olaraq gördüyü tədbirlər, ölkə iqtisadiyyatına bugünkü çağırışlara cavab verə bilməsinə kömək edəcək", -deyə Bank Respublikanın Müşahidə Şurasının sədri Şakir Rəhimov qeyd edib.