.jpg)
Avropa banklarına çağırışı: Rusiyadan çıxın
Kommersant.az xəbər verir ki, Avropa Mərkəzi Bankının (AMB) baş nəzarətçisi Andrea Enria konfransda deyib: “Mən hesab edirəm ki, bankların öz fəaliyyətlərini (Rusiyada) daha da azaltmağa davam etməsi və (Rusiya) bazarını mümkün qədər tez tərk etməsi vacibdir”.
Qeyd edək ki, Rusiyada bir neçə Avropa bankı fəaliyyət göstərir, o cümlədən Avstriyada yerləşən Raiffeisen Bank International və İtaliya bankı UniCredit də Rusiya bazarındadır.
Enria, bankların Rusiyada yeni kreditlər vermədiyini və Rusiyanın təzyiqi səbəbindən ölkədə fəaliyyətlərini dayandırmağın çətin olduğunu etiraf edib.
Raiffeisen və UniCredit-in Rusiyada olması Qərb dövlətlərinin sanksiyaları ilə mübarizə aparan Rusiya iqtisadiyyatı üçün vacibdir. Digər tərəfdən, hər iki bank Rusiyadakı fəaliyyətlərini azaltmağa çalışdıqlarını bildirir.
Bununla belə, Rusiyanın ən mühüm Qərb bankı olan Raiffeisen, Rusiyadakı əməliyyatlarını satmaq, bölmək və yeni şirkət yaratmaq variantını nəzərdən keçirdiyini açıqlayıb.
Digər xəbərlər
