Bakı Şəhər Reklam İdarəsi 22 ədəd minik avtomobili alır

22.05.2018 Biznes
Reklam İdarəsinin işçiləri "Qazel"də gəzmək istəmir

Dövlət Reklam Agentliyinin (DRİ) Bakı Şəhər Reklam İdarəsi (BŞRİ) 22 ədəd minik avtomobili alır.

İdarənin tender komissiyasında bildiriblər ki, yük "Qazel"ləri ilə obyektləri gəzmək bu şöbənin müfəttişləri üçün uyğun deyil.

BŞRİ 2017-ci ilin dekabrında Bakı şəhər İcra Hakimiyyəti yanında Reklam və İnformasiya Departamentinin bazasında yaradılıb. İdarədə 80 nəfər işçi var, onların bəziləri bu il işə götürülüb.

"Müfəttişlərin çoxu ali təhsillidir. Yeni avtomobillər şəhər daxilində reklam qanunvericiliyinin yoxlanması üçün lazımdır. Hazırda bəzi müfəttişlər xidməti məqsədlə öz şəxsi avtomobilindən istifadə edir", deyə BŞRİ-də qeyd ediblər.