MTK-ların pulla satdığı həyətlər

MTK-ların pulla satdığı həyətlər - Sakinlər nə etsin?

“Bəli, belə anormal hallar var. Ümumiyyətlə MTK sahiblərinin gözü doymur. Çox sayda bəhanələr edərək istehlakçılardan pul alırlar”

Kommersant.az xəbər verir ki, bu sözləri Azad İstehlakçılar Birliyinin sədri Eyyub Hüseynov bəzi MTK-larda sakinlərdən həyətyanı sahələrdə maşın saxlanılmasına görə alınan ödənişlər barədə danışarkən deyib:

“Ümumiyyətlə vətəndaş bilməlidir ki, harada pul verirsə, ona kassa qəbzi verilmirsə, burda alınan pul qeyri -qanunidir. Bu barədə 195 telefon xətti ilə İqtisadiyyat Nazirliyinə məlumat verilməldir”.

Eyyub Hüseynov bildirib ki, mövcud qanunvericiliyə görə, MTK lar binanı təhvil verdikdən sonra vətəndaşlar özləri yığışıb öz təşkilatlarını yaratmalıdır:
“MMC yaradılmalıdır. Bina təhvil verilməlidir həmin MMC yə vətəndaşlar öz aralarından sədr seçməlidir və yığılan pullar razılıq əsasında ümumi yığıncağın qərarı ilə xərclənməlidir”.

Birlik sədri deyib ki, Azərbaycanda az da olsa bu cür MMC-lər var.
“Bu proses gedir. Lakin təəssüflər olsun ki, başqa ölkələrdə çoxdan həll olunsa da, Azərbaycanda isə MTK sahibləri binadan əl çəkmək istəmirlər və mümkün qədər istehlakçıları soyurlar.

Eyyub Hüseynov bildirib ki, burada ciddi məsələlərdən biri MTK-lara məxsus su mənbəyinin təmizlənməməsi məsələsidir:
“MTK-da yaşayan insanlar düşünür ki, onlara suyu “Azərsu” verir, lakin belə deyil, ona görə də anbarlar illər boyu təmizlənir, içərisində həşəratlar ölür və s. Bu da yaşayan insanlara ciddi sağlamlıq problemi yaradır”.

açıqlama ekspert eyyub kərimli