30.05.2019 İqtisadiyyat

0 0

"Kommersant.az" xəbər verir ki, bu məsələni ictimailəşdirən radio aparıcısı Tural Yusifov "qaraya bürünən" avtomobillərin şəklini paylaşıb.

Daha sonra isə Bakı şəhər Baş Dövlət Yol Polisi İdarəsinin sözçüsü, polkovnik Vaqif Əsədovun oxu.az saytında bu barədə müəmmalı açıqlaması yayılıb. V.Əsədov bildirib ki, bundan sonra avtomobillərin arxa şüşələrinə pərdə və plyonka çəkilməsinə görə sürücülər cərimələnməyəcək.

Qeyd edək ki, polkovnikin bu açıqlaması qanunaziddir, çünki "plyonka"ların vurulması qadağandır, jalüzlərə isə küləyə qarşı olan şüşələrdə 75 faiz, küləyə qarşı olmayanlarda isə 70 faiz tündlüyə icazə verilir.

V.Əsədovun sözügedən fikirləri geniş müzakirələrə səbəb olub.

Daha sonra polkovnik onun adından yayılan bu ifadələri təkzib edib: "Avtomobillərə pərdə və plyonka vurulması ilə bağlı qanunda heç bir dəyişiklik edilməyib. Qanun "yox" deyirsə, mən necə "hə" deyə bilərəm? Bu yazılanlar hamısı şayiədir".

Aparıcı T.Yusifov bildirib ki, son bir neçə gün ərzində təxminən 300 avtomobil ön və arxa şüşələrə, ümumiyyətlə, maşının bütün şüşələrinə 100 faiz tündlüyə malik "plyonka" vurulub. O əlavə edib ki, yol polislərinin Avroliqanın final oyununda təhlükəsizlik tədbirlərinə cəlb olunduğu üçün dünən başqa işlərə çox da vaxt ayıra bilməyiblər. Sabah yaxud iyunun 1-dən bu cür "plyonka"ların sökülməsinə başlanılacaq.

Bu cür "plyonka"dan istifadə edən sürücüləri 150 manat cərimə gözləyir.