Nazirlik rəsmisindən qrip peyvəndləri ilə bağlı - VACİB AÇIQLAMA

24.11.2020 İqtisadiyyat
“Oktyabrın 12-dən mövsümi qripə qarşı Azərbaycanda tətbiq edilən peyvənd kampaniyası artıq yekunlaşmaq üzrədir. Bakıya və rayonlarda qrip əleyhinə paylanılan peyvəndlərin 80 faizi artıq istifadə edilib”.

"Kommersant.az" xəbər verir ki, bunu Ümumdünya Antimikrob Preparatlardan Düzgün İstifadəyə dair Maarifləndirmə Həftəsinə həsr olunmuş virtual mətbuat konfransında Səhiyyə Nazirliyinin İctimai Səhiyyə və Sanitariya-Epidemioloji Nəzarət Şöbəsinin müdiri Nəzifə Mürsəlova bildirib.

Onun sözlərinə görə, ölkəyə gətirilən qrip peyvəndlərinin çox hissəsi əhalinin vaksinasiyasına istifadə edilib:

"Qrip peyvəndi, nəzərdə tutulduğu kimi, tibb işçiləri, xroniki tənəffüs problemi olan altı aydan böyük uşaqlar, hamilə qadınlar və böyüklərə istifadə edildi. Həmin şəxslərdən əlavə insanlar da mövsümi qrip peyvəndi almaq üçün yerli müəssisələrə müraciət edirlər".

"Xəstəxanalarda pulsuz həyata keçirilən peyvəndləməyə maraq böyükdür. Gətirilən peyvəndlər keyfiyyətlidir", - deyə o qeyd edib.

Oxu.az