AB-nin elektrik şəbəkəsinə 584 milyard avro sərmayə lazımdır

Avropa İttifaqı (Aİ) üzv ölkələrin elektrik şəbəkəsinin ehtiyaclarını ödəmək üçün 2030-cu ilə qədər cəmi 584 milyard avro investisiya tələb olunduğunu bildirdi.

Plana əsasən, Aİ-nin elektrik şəbəkəsi daha səmərəli fəaliyyət göstərəcək və elektrik şəbəkəsinin tam inteqrasiyası üçün infrastruktur modernləşdiriləcək.

2030-cu ilə qədər Aİ-nin ümumi elektrik istehlakının 60 faiz artacağını nəzərə alaraq, şəbəkəyə investisiyalar artırılacaq.Şəbəkə milyonlarla damda günəş paneli, istilik nasosları, dəniz külək elektrik stansiyaları, hidrogen istehsalı kimi müxtəlif tələblərə cavab verəcəkdir.

2030-cu ilə qədər Aİ ölkələrində elektrik şəbəkəsinin transsərhəd ötürmə qabiliyyətini iki dəfə artırmaq üçün 584 milyard avro investisiya tələb olunacaq.

Birliyin 2030-cu ilə qədər elektrik şəbəkəsi hədəflərinə çatması üçün qarşılıqlı faydalı layihələrin sayı və icrası sürətləndiriləcək. Tənzimləyicilərin və sistem operatorlarının fəaliyyəti daha çox bərpa olunan enerji və elektrik enerjisinə olan tələbatı ödəmək üçün tələb olunan planlaşdırmaya uyğun olaraq təkmilləşdiriləcək. Gələcək investisiyalar və dəniz layihələri üçün transsərhəd xərclərin bölüşdürülməsi stimulları tətbiq ediləcək.

Ağıllı şəbəkələr, enerji səmərəliliyi, innovativ texnologiyalar və həllər üçün şəbəkə tariflərinin daha yaxşı istifadəsi təmin ediləcək. Müxtəlif sistem operatorları arasında əməkdaşlıq dəstəklənəcək. Xüsusilə smart şəbəkələrin və paylayıcı şəbəkələrin modernləşdirilməsinə yönəlmiş layihələr üçün maliyyəyə çıxış yaxşılaşdırılacaq.