Qanunsuz miqrasiyaya qarşı keçirilmiş tədbirlər zamanı 62 əcnəbi saxlanılıb
25.07.2018
İqtisadiyyat
0
0
Dövlət Miqrasiya Xidmətinin (DMX) iyulun 23-24-də qanunsuz miqrasiyaya qarşı keçirdiyi tədbirlər zamanı ümumilikdə 62 əcnəbi saxlanılıb. Onlardan 16-sı Gürcüstan, 14-ü Pakistan, 11-i Türkmənistan, 7-si Rusiya, 2-si Suriya, 2-si İraq, 2-si Özbəkistan, 2-si Türkiyə, 1-i Efiopiya, 1-i Sudan, 1-i Misir, 1-i Çin, 1-i Ukrayna və 1-i Latviya vətəndaşıdır.
DMX-dən "Kommersant"a bildiriblər ki, araşdırma zamanı həmin əcnəbilərin Azərbaycanda miqrasiya (olma və yaşama) qaydalarını pozduqları məlum olub.
Saxlanılmış 10 nəfər Türkmənistan vətəndaşının (səyyar ticarət) və 1 nəfər Türkiyə vətəndaşının Azərbaycan Respublikasına gəlişinin bəyan edilmiş məqsədini pozduqları məlum olub. İki nəfər Pakistan və bir nəfər Suriya vətəndaşının qeydiyyat ünvanı üzrə yaşamadığı, digər 48 nəfərin isə ölkədə qanunsuz yaşadıqları müəyyənləşdirilib.
Saxlanılmış əcnəbilərdən 39 nəfər barəsində inzibati qərarlar qəbul edilib. Digər əcnəbilərin ölkəmizin hüdudlarından kənara çıxarılması istiqamətində müvafiq tədbirlər görülür.
Digər xəbərlər
06.11.2025
İqtisadiyyat
Neft ticarəti tələb və təkliflə bağlı narahatlıqlar səbəbindən əsasən sabit qalıb
0
0
