Şamaxıda avtomobil piyadanı vurub

18.06.2018 Hadisə
Şamaxıda avtomobil piyadanı vurub.

"Kommersant" bildirir ki, "Report"un yerli bürosunun məlumatına görə, hadisə Şamaxı-Göylə-Padarçöl avtomobil yolunda bas verib.

Məlumata görə, piyada ağır vəziyyətdə yolun kənarında aşkarlanıb və Şamaxı Rayon Mərkəzi Xəstəxanasına gətirilib. Xəstə komada olduğundan hadisənin hansı şəraitdə baş verdiyi dəqiq deyil. İlkin məlumata görə, yaralı Şamaxının Şəhriyar qəsəbə sakini, 47 yaşlı Nazim Məndimovdur.

Yaralı xəstəxananın cərrahiyə söbəsinə yerləşdirilib. Onun vəziyyəti ağırdır.

Faktla bağlı araşdırma aparılır.