USD1,7000
EUR1,8634
GBP2,1133
RUB0,0208

“Azərkosmos” zərərdən çıxa bilməyib - FANTASTİK YIĞILMIŞ ZƏRƏR

04.06.2019 İqtisadiyyat
0 0
Cənubi Qafqazda ilk peyk operatoru olan “Azərkosmos” ASC 2018-ci ili 6 milyon 462 min manat zərər ilə başa vurub. Müqayisə üçün qeyd edək ki, ASC 2017-ci ili 16 milyon 97 min manat zərər ilə bağlamışdı. Beləliklə, illik müqayisədə “Azərkosmos”un zərəri 2,5 dəfə azalıb.

"Kommersant.az" "Azərkosmos" ASC 31 dekabr 2018-ci il tarixinə Beynəlxalq Maliyyə Hesabatı Standartlarına uyğun Maliyyə Hesabatlarına istinadən xəbər verir ki, 2017-ci ildə satışdan gəlirlər 37 milyon 86 min manat ikən, 2018-ci ildə 36 milyon 812 min manat təşkil edib.

Ötən il "Azərkosmos"un cəmi gəlirləri 45 milyon 379 min manat, cəmi xərcləri 51 milyon 842 min manat təşkil edib. Xərclər gəlirləri üstələdiyindən ASC-nin 6 milyon 462 min manat zərəri yaranıb.

2017-ci ildə "Azərkosmos"un cəmi gəlirləri 42 milyon 292 min manat, cəmi xərcləri isə 58 milyon 390 min manat təşkil etmişdi. Nəticədə ASC ili 16 milyon 97 min manat zərər ilə bağlamışdı.

2017-ci illə müqayisədə ötən il maliyyə xərcləri 1,8 dəfə azalaraq 7 milyon 451 min manatdan 13 milyon 807 min manata düşüb. Maliyyə xərclərinin düşməsi zərərin azalmasına təsir göstərib.

2018-ci ilin sonunda "Azərkosmos"un yığılmış zərəri 313 milyon 191 min manat təşkil edib. 2017-ci ilin sonunda bu rəqəm 308 milyon 154 min manat idi.

31 Dekabr 2018-ci il tarixində "Azərkosmos" 653 milyon 632 min manat cəmi aktivlərə, 740 milyon 867 milyon manat cəmi öhdəliklərə, minius 87 milyon 235 min manat cəmi kapitala malik olub. Yığılmış zərər nizamnamə kapitalını və əlavə kapital qoyuluşlarını silib.

Ötən il ASC-nin borcları 154 milyon 461 min manatdan 117 milyon 578 min manata düşüb (36 milyon 883 min manat azalıb).

"Azərkosmos" 2010-cu ildə telekommunikasiya peyklərinin hazırlanması, orbitə çıxarılması, idarə olunması və istismar işlərinin həyata keçirilməsini təmin etmək məqsədi ilə təsis edilib. "Azerspace-1" və "Azerspace-2" telekommunikasiya peykləri "Azərkosmos"un idarəçiliyindədir.

Marja.az

  • Əvvəlki

    Külli miqdarda zərəri olan dövlət şirkətinə hökumət yenidən sərmayə yatırır

Digər xəbərlər

29.03.2024 İqtisadiyyat
Neftimiz bahalaşdı
0 0
29.03.2024 İqtisadiyyat
Bu günə olan valyuta məzənnələri
0 0