ABŞ prezidenti Co Bayden iqlim dəyişikliyinin “əsl ekzistensial təhlükə” olduğunu deyib.
Kommersant.az xəbər verir ki, Bayden paytaxt Vaşinqtonda ətraf mühit qrupunun illik şam yeməyində danışıb.
Yeni nəsillərin bir çox təhlükə ilə üzləşəcəyini bildirən Bayden, bunlardan birinin "həqiqətən ekzistensial təhlükə" olaraq xarakterizə etdiyi iqlim dəyişikliyi olduğunu qeyd edib.
Bayden dəyişən hava şəraitinə diqqət çəkərək, Kanadada keçən həftə ABŞ-ın şimal-şərq əyalətlərini təsir edən meşə yanğınlarının tüstüsü səbəbiylə havanın sarıya çevrildiyini və milyonlarla amerikalının maska taxmaq məcburiyyətində qaldığını qeyd edib.
Bu çərçivədə lazımi tədbirlərin görülməsi lazım olduğunu vurğulayan Bayden administrasiyasının ətraf mühitin qorunması üçün atdığı addımlardan danışıb.