Lavrov və Ermənistan xarici işlər naziri Yerevanla Bakı münasibətlərini

Lavrov və Ermənistan xarici işlər naziri Yerevanla Bakı münasibətlərini - MÜZAKİRƏ EDİB

Lavrov və Ermənistan xarici işlər naziri Yerevanla Bakı arasında münasibətlərin normallaşdırılmasını müzakirə ediblər.

Rusiyanın xarici işlər naziri Sergey Lavrov və Ermənistanın xarici işlər naziri Ararat Mirzoyan Ermənistan-Azərbaycan münasibətlərinin normallaşdırılması istiqamətində səylərin gücləndirilməsini müzakirə ediblər. Bununla bağlı Rusiya Xarici İşlər Nazirliyi məlumat yayıb.

"Yeni Dehlidə keçirilən danışıqlar dostluq və etimad şəraitində keçib, nazirlər gələcək diplomatik təmaslar barədə razılığa gəliblər", - deyə Rusiya Xarici İşlər Nazirliyi bildirib.

Bundan əlavə, nazirlik qeyd edib ki, nazirlər ikitərəfli gündəliyin aktual məsələlərini müzakirə ediblər, həmçinin ümumi inteqrasiya birlikləri çərçivəsində beynəlxalq platformalarda əməkdaşlığın təşviqinə dair yanaşmaları nəzərdən keçiriblər:

"Regional məsələlər ətrafında fikir mübadiləsi aparılıb. Rusiya, Ermənistan və Azərbaycan liderləri arasında 9 noyabr 2020-ci il, 11 yanvar tarixli sazişlərə uyğun olaraq Ermənistan-Azərbaycan münasibətlərinin normallaşmasının bütün istiqamətləri üzrə səylərin artırılmasının vacibliyi qeyd edilib".

rusiya azərbaycan ermənistan