ABŞ insan haqları hesabatında Türkiyə təfərrüatları

ABŞ Dövlət Departamenti 2023-cü il İnsan Haqları Hesabatını açıqlayıb. Hesabatda yer alan Türkiyə detalı diqqət çəkib.

ABŞ Dövlət Departamentinin dərc etdiyi 2023-cü il İnsan Haqları Hesabatının təqdimatında Qəzzadakı humanitar böhran və Rusiyanın Ukraynadakı pozuntularına üstünlük verilib. Hesabatı ictimaiyyətə açıqlayan ABŞ dövlət katibi Antoni Blinken Sudan böhranı kimi bəzi mövzulara istinadlar edib.

Blinken, "İsraillə bağlı ikili standart tətbiq etmirik, eyni standartı hamıya tətbiq edirik" deyib.

Blinken bəyanatdan istifadə edərək, HƏMAS-ın oktyabrın 7-də həyata keçirdiyi hücumlara diqqət çəkib. Blinken qeyd edib ki, bu hücumlarda 1200-ə yaxın adam ölüb, 230-a yaxın adam girov götürülüb.

Rusiyanın Ukraynadakı pozuntuları vurğulanır

Rusiyanın Ukraynadakı qanun pozuntularına toxunan Blinken, “Rusiya qüvvələri mülki şəxslərə qarşı şiddəti düşünülmüş bir müharibə vasitəsi kimi istifadə edir” qiymətləndirməsini edib.

Blinken vurğulayıb ki, ABŞ Dövlət Departamentinin hesabatında Ukraynadakı pozuntularla bağlı hərtərəfli qiymətləndirmələr, nümunələr və tapıntılar var.