Türkiyə İsraillə bütün ticarət əlaqələrini dayandırıb

Qəzzadakı qırğınlardan sonra İsraillə gərgin dövr keçirən Türkiyənin bütün ticarət əlaqələrini dayandırmaq və embarqo tətbiq etmək qərarına gəldiyi iddia edilib. Bloomberg-ə danışan iki türk rəsminin sözlərinə görə, Türkiyə İsrailə ixracı və bütün idxalı dayandırıb.

Türkiyə Statistika Təşkilatının məlumatına görə, 2023-cü ildə iki ölkə arasında ticarət dövriyyəsi 6,8 milyard dollar təşkil edib ki, bunun da 76 faizi Türkiyənin ixracatı olub.

Keçən ay Türkiyə Qəzzanın işğalı səbəbindən armaturdan yastı poladdan, mərmərdən keramikaya qədər 54 məhsul qrupunun İsrailə ixracını məhdudlaşdırdı.

Qəzzada keçirilən əməliyyatlardan sonra Türkiyə-İsrail münasibətləri yenidən gərginləşib.

Türkiyə embarqo tətbiq etmək qərarına gəlib

Türkiyənin İsraillə ticarət əlaqələrini kəsib-kəsməyəcəyi müzakirə olunarkən Bloomberg-dən mübahisəli bir iddia gəldi. İddialara görə, Türkiyə İsraillə bütün ticarət əlaqələrini dayandırmaq və embarqo tətbiq etmək qərarına gəlib.

Bloomberg-ə danışan iki türk rəsminin sözlərinə görə, Türkiyə İsrailə ixracı və bütün idxalı dayandırıb.

türkiyə israil xarici siyasət