.jpg)
Fransa vətəndaşı bukmekerdə Trampın qələbəsinə $45 mln. mərc edib
“Polymarket” platformasının apardığı araşdırma göstərib ki, bu treyder Fransa vətəndaşıdır və onun əməllərində heç bir bədxah niyyət yoxdur.
“Araşdırmamız nəticəsində biz başa düşdük ki, bu şəxs seçki ilə bağlı şəxsi fikirlərinə əsaslanaraq mərc edib. Bundan əlavə, bu istifadəçinin bazarı manipulyasiya etdiyini və ya manipulyasiya etməyə cəhd etdiyini göstərən heç bir məlumat aşkar edilməyib”, – şirkət nümayəndəsi bildirib.
ABŞ prezident seçkilərinin nəticələrinə mərc etmək “Polymarket” bukmeker platformasında çox populyardır: belə kontraktların ümumi alqı-satqı həcmi təxminən 2.4 milyard dollardır.
Cümə axşamı gününə olan məlumata görə, Trampın seçkilərdə qalib gəlmə ehtimalı “Polymarket” platformasında 61.6% olaraq qiymətləndirilib. Rəqib mərc platformaları olan “Kalshi” və “PredictIt”də eyni göstərici müvafiq olaraq 59% və 57% təşkil edir.
Digər xəbərlər
İngiltərədən Türkiyəyə səyahət xəbərdarlığı: 4 kritik məsələyə diqqət yetirin
İstanbuldakı kritik sammitdən əvvəl Rusiya ilə Ukrayna arasında dünən nə baş verdi?
