.jpg)
Tramp Zelenskiyə xəbərdarlıq etdi: O, Moskvanı hədəf almamalıdır
ABŞ prezidenti Donald Tramp Ağ Evin qazonunda jurnalistlərə açıqlama verib. Jurnalistlərdən birinin Ukrayna prezidenti Vladimir Zelenskinin Rusiyanın paytaxtı Moskvaya hücum edib-etməyəcəyi ilə bağlı sualına Tramp “Xeyr, o, Moskvanı hədəf almamalıdır” deyib.
Hazırda Ukraynanın tərəfində olub-olmaması ilə bağlı sualı cavablandıran Tramp, ölümləri dayandırmaq istədiyi üçün bəşəriyyətin tərəfində olduğunu vurğulayaraq, “Mən heç kimin tərəfində deyiləm” deyib.
Rusiyanın 50 gün ərzində Ukrayna ilə bağlı sülh razılaşması əldə etmədiyi təqdirdə Rusiyaya tətbiq etdiyi tarifləri 100 faiz artıracağını və Rusiya neftini alan ölkələrə əlavə rüsumlar tətbiq edəcəyini qeyd edən Tramp, "50 günün çox uzun olduğunu düşünmürəm, daha tez də ola bilər. 50 gün sonra razılığa gələ bilməsək, çox pis olacaq" söyləyib.
Digər xəbərlər
Prezident İlham Əliyev: Azərbaycan ərazisindən Ermənistana 28 min ton yük çatdırılıb
