18.11.2025 Siyasət

0 0

ABŞ prezidenti Donald Tramp Meksika ilə mümkün hərbi müdaxilə barədə danışıqlar apardığını bildirib.

Reuters və NBC xəbər verir ki, Prezident Tramp "narkotik kartellərinə qarşı" olduğunu iddia etdiyi Latın Amerikasındakı hücumlarını Meksikanı da əhatə edə biləcəyini bildirib.

Bazar ertəsi günü Oval Ofisdən danışan Tramp deyib: "Narkotikanın qarşısını almaq üçün Meksikada hücumlar təşkil edərdimmi? Mənim heç bir problemim yoxdur. Mən Meksika ilə danışıram. Onlar mənim mövqeyimi bilirlər".

Tramp həmçinin ABŞ-ın artıq hədəflərin siyahısını tərtib etdiyinə işarə edib.

Tramp jurnalistlərə deyib: "Biz hər marşrutu bilirik. Hər bir narkotik lordunun ünvanını bilirik. Onların ünvanlarını bilirik. Onların qapılarını bilirik. Onların hər biri haqqında hər şeyi bilirik".

Yanvar ayında vəzifəyə başlayandan bəri Tramp Konqresin təsdiqi olmadan Karib dənizində və Latın Amerikasının Sakit okean sahillərində hərbi hücumlar təşkil edir.

Sentyabr ayından bəri narkotik daşıdığı iddia edilən 21 qayıq vurulub və nəticədə 80-dən çox insan həlak olub.

Bu gəmilərin narkotik kartelləri ilə əlaqəsi olduğuna dair ictimaiyyətə açıq dəlil yoxdur.