ASB-nin xalis mənfəəti 32%-dən çox azalıb
25.04.2023
Problemli Banklar
10
21
“Azərbaycan Sənaye Bankı”nın (qısaca - ASB) xalis mənfəəti isə 506 min manat və ya 32,24 faiz azalaraq 1 milyon 63 min manata düşüb.
Kommersant.az bankın 2023-cü ilin 1-ci rübünə olan hesabatına istinadən xəbər verir ki, ASB-nin faiz gəliri 1 milyon 545 min manat artaraq 7 milyon 641 min manata yüksəlib. Faiz xərcləri isə 1 milyon 22 min manat artaraq 3 milyon 731 min manat olub. Buna görə də bank 3 milyon 909 min manat xalis faiz gəliri əldə edib. Bu isə 2022-ci ilin eyni rübü ilə müqayisədə 548 min manat və ya 16,30 faiz çoxdur.
Bankın qeyri-faiz gəliri 640 min manat artaraq 2 milyon 235 min manata, qeyri-faiz xərcləri isə 1 milyon 470 min manat artaraq 5 milyon 129 min manata çatıb. Nəticədə bankın əməliyyat mənfəəti 1 milyon 15 min manat olub, amma bu rəqəm 2022-ci ilin 1-ci rübü ilə müqayisədə 282 min manat və ya 21,74 faiz çoxdur.
Digər xəbərlər
