“Bank Avrasiya”nın cəmi öhdəlikləri ötən ilin sonu ilə müqayisədə 5 milyon 984 min manat azalaraq 144 milyon 477 min manata düşüb.
Kommersant.az xəbər verir ki, bu azalmada depozit portfelinin payı 94 faiz olub. Çünki bankın depozit portfeli 5 milyon 627 min manat azalaraq 144 milyon 477 min manata enib. Azalmanın səbəbi bankın biznesmen müştərilərini itirməsidir. Hüquqi şəxslərin bankdakı əmanətləri 6 milyon 616 min manat azalaraq 6 milyno 12 min manata bərabərləşib. Fiziki şəxslərin əmanətləri isə 988 min manat artaraq 68 milyon 59 min manata yüksəlib.