“Bank VTB” (Azərbaycan Filialı) 2023-cü ilin üçüncü rübünə olan hesabatını açıqlayıb. Hesabata görə, sözügedən bank mənfəət vergisini ödəməməsinə rəğmən “Bank VTB”nin xalis mənfəəti 8 milyon 643 min manat olub. Bu da ötən ilin eyni rübü ilə müqayisədə 927 min manat azdır.
Kommersant.az bankın maliyyə hesabatına istinadən xəbər verir ki, “Bank VTB”nin cəmi aktivləri 2022-ci ilin sonu ilə müqayisədə 7 milyon 255 min manat azalaraq 231 milyon 238 min manata düşüb. Bu azalmanın əsas səbəbi “Bank VTB”nin banklar və digər maliyyə institutlarına verilən kreditlərinin həcmi 10 milyon 393 min manat azalaraq 13 milyon 508 min manata enməsidir. Buna baxmayaraq, rusların bankının kredit portfeli 24 milyon 485 min manat artaraq 184 milyon 260 min manata yüksəlib. Bu artımda əsas pay verilən biznes kreditlərinin payına düşüb. Belə ki, bankın verdiyi biznes kreditləri ötən ilin son rübü ilə müqayisədə 11 milyon 311 min manat artaraq 61 milyon 497 min manata çatıb. İstehlak kreditləri isə 24 milyon 485 min manat artaraq 184 milyon 260 min manata, ipoteka kreditləri isə 7 milyon 761 min manat artaraq 46 milyon 917 min manata bərabər olub. Mümkün zərərlər üçün yaradılan məqsədli ehtiyatını 1 milyon 147 min manat artıraraq 23 milyon 208 min manat edən “Bank VTB”nin xalis kreditləri 23 milyon 339 min manat artaraq 161 milyon 52 min manat təşkil edib.
“Bank VTB”nin öhdəliklər cəmi də aktivlər cəmi kimi azalıb. Belə ki, bankın öhdəliklər cəmi ötən ilin sonu ilə müqayisədə 15 milyon 990 min manat və ya 10.10 faiz azalaraq 20 milyon 769 min manata enib. Bu azalmada əsas pay depozit portfelinin üstünə düşüb. Bankın depozit portfeli 23 milyon 12 min manat və ya 24.26 faiz azalaraq 71 milyon 839 min manata enib.
“Bank VTB”-yə pullarını əmanət edən hüquqi və fiziki şəxslər bankdakı vəsaitlərini geri çəkiblər. Fiziki şəxslər bankdakı əmanətlərinin 12 milyon 724 min manatını geri çəkərək depozitlərini 51 milyon 69 min manata endirib. Hüquqi şəxslər isə öz vəsaitlərinin 10 milyon 289 min manatını geri götürərək depozitlərini 20 milyon 769 min manata endiriblər.
Səhmdar kapitalını dəyişdirməyən “Bank VTB” nin cəmi kapitalı 8 milyon 734 min manat artaraq 88 milyon 953 min manata yüksəlib. Buna baxmayaraq rusların bankı yığılmış zərərindən yaxasını qurtara bilmir. Bankın yığılmış zərəri 8 milyon 643 min manat azalaraq 228 milyon 190 min manata düşüb. Bankın ümumi ehtiyatları isə 91 min manat artaraq 1 milyon 328 min manata çatıb.
Qeyd edək ki, “Bank VTB”nin məcmu kapitalı 8 milyon 678 min manat artaraq 82 milyon 272 min manata bərabərləşib.
Bank VTB
2023 (III Rüb)
2022 (IV Rüb)
Fərq
Cəmi Aktivlər
231,238
238,493
-7,255
Kredit
184,260
159,775
24,485
İstehlak kreditləri
75,846
70,433
5,413
Biznes kreditləri
61,497
50,186
11,311
Daşınmaz əmlak kreditləri
46,917
39,156
7,761
Mümkün zərərlər üçün yaradılan məqsədli ehtiyat
23,208
22,061
1,147
Xalis Kreditlər
161,052
137,713
23,339
Cəmi Öhdəliklər
142,285
158,275
-15,990
Depozit
71,839
94,851
-23,012
Fiziki şəxslərin depozitləri
51,069
63,793
-12,724
Hüquqi şəxslərin depozitləri
20,769
31,058
-10,289
Cəmi Kapital
88,953
80,219
8,734
Səhmdar kapitalı
315,815
315,815
0
Yığılmış zərəri
-228,190
-236,833
8,643
Ümumi ehtiyatlar
1,328
1,237
91
Məcmu Kapital
82,272
73,594
8,678
“Bank VTB”nin faiz gəliri 1 milyon 539 min manat artaraq 20 milyon 146 min manata yüksəlib. Bankın faiz xərcləri isə 800 min manat azalaraq 5 milyon 15 min manata düşüb. Nəticədə bankın xalis faiz gəliri 2 milyon 5 min manat artaraq 14 milyon 219 min manat olub. Qeyri faiz gəlirini 5 milyon 433 min manat azaldaraq 5 milyon 462 min manata, qeyri-faiz xərclərini isə 3 milyon 556 min manat azaldaraq 18 milyon 313 min manata endirib. Buna görə də bankın əməliyyat mənfəəti 1 milyon 368 min manat təşkil edib. Mümkün zərərlər üçün yaradılan məqsədli ehtiyatına 7 milyon 274 min manat ayırdığına görə əməliyyat zərəri 5 milyon 906 min manat olub. Bu da ötən ilin eyni rübü ilə müqayisədə 1 milyon 184 min manat və ya 16.7 faiz çoxdur.