23.01.2024 Problemli Banklar

0 0

Kommersant.az xəbər verir ki, “ExpressBank”ın aktivlər cəmi 2022-ci ilin son rübü ilə müqayisədə 28.21 faiz artaraq 560 milyon 228 min manata yüksəlib. Bu artımda əsas pay bankın müştərilərinə verdiyi kreditlərin artması olub. 1 il ərzində artan cəmi aktivlərdə kredit portfelinin payı 90.99 faiz olub.

İstehlak kreditləri 38 milyon 993 min manat artaraq 198 milyon 362 min manata, biznes kreditləri 17 milyon 548 min manata artaraq 113 milyon 393 min manata, ipoteka kreditləri isə 64 milyon 628 min manat artaraq 106 milyon 498 min manata yüksəlib. Nəticədə bankın müştərilərinə verdiyi kreditlərin həcmi 2022-ci ilin 4-cü rübü ilə müqayisədə 37.75 faiz və ya 112 milyon 169 min manat artaraq 409 milyon 253 min manata çatıb. Mümkün zərərlər üçün yaradılan məqsədli ehtiyatını 457 min manat azaltdığı üçün “ExpressBank”ın xalis kreditləri 404 milyon 254 min manat təşkil edib ki, bu da 2022-ci ilin yekunu ilə müqayisədə 112 milyon 626 min manat çoxdur.

“ExpressBank”ın hüquqi şəxslərdən topladığı əmanətlərin artması bankın depozit portfelinə müsbət təsir göstərib.

Bankın fiziki şəxslərə verdiyi əmanətlər 897 min manat artaraq 152 milyon 135 min manat,

“ExpressBank”ın faiz gəliri 2022-ci ilin son rübü ilə müqayisədə 9 milyon 413 min manat artaraq 57 milyon 670 min manata, faiz xərcləri isə 5 milyon 214 min manat artaraq 15 milyon 516 min manata yüksəlib. Buna görə də bankın xalis faiz gəliri 4 milyon 199 min manat artaraq 42 milyon 154 min manata bərabərləşib.

Qeyri-faiz gəliri 521 min manat artaraq 18 milyon 960 min manata, qeyri-faiz xərcləri isə 2 milyon 190 min manat artaraq 42 milyon 571 min manata yüksəlib. Nəticədə “ExpressBank” 18 milyon 543 min manat əməliyyat mənfəəti əldə edib ki, bu da 2022-ci ilin 4-cü rübü ilə müqayisədə 2 milyon 530 min manat çoxdur.

Bankın əldə etdiyi xalis mənfəət 3.16 faiz və ya 393 min manat azalaraq 12 milyon 15 min manata düşüb.

Qeyd edək ki, “ExpressBank”ın məcmu kapitalı 5 milyon 35 min manat əriyərək 127 milyon 825 min manata düşüb.