Azərbaycan nümayəndə heyəti Minskdə "TİBO" forumunda iştirak edir

15.05.2018 Sosial
Nəqliyyat, rabitə və yüksək texnologiyaları nazirinin müavini Elmir Vəlizadənin rəhbərlik etdiyi nümayəndə heyəti Belarusun paytaxtı Minskdə səfərdədir.

"Kommersant.Az"ın məlumatına görə, nümayəndə heyəti "TİBO-2018" - informasiya kommunikasiya texnologiyaları üzrə beynəlxalq forumun açılışında iştirak edəcək.

Səfər zamanı E.Vəlizadənin Belarusun bir sıra rəsmi şəxsləri ilə görüşləri də nəzərdə tutulub.

Qeyd edək ki, mayın 18-ə qədər davam edəcək forumda Azərbaycandan başqa forumda 15 ölkədən 100-dən çox şirkətin iştirak edəcəyi gözlənilir.

Bu il "TİBO" robot texnologiyası, yeni mobil xidmət və tətbiqlər, şəhər sektoru və mənzil-kommunal təsərrüfatları üçün informasiya texnologiyaları, coğrafi informasiya və naviqasiya texnologiyaları sahəsindəki nailiyyətləri nümayiş etdirəcək. Təşkilatçılar diqqəti, əsasən, startapların dəstəklənməsinə və gənclər arasında İT-nin populyarlaşmasına yönəldəcək.

Azərbaycan "TİBO" sərgisinə müntəzəm olaraq qatılır.

  • Əvvəlki

    Azərbaycan məhsulları “Sial China 2018” Beynəlxalq Ərzaq Sərgisində nümayiş etdiriləcək

Digər xəbərlər