Müddət 1 il uzadıldı - Koronavirusa görə

18.06.2020 Maliyyə
Koronavirus pandemiyası səbəbindən Dünya Bankının Azərbaycan üzrə tərəfdaşlıq strategiyasının müddəti 1 il uzadılıb.

"Kommersant.az" xəbər verir ki, bunu Azərbaycan Mərkəzi Bankının sədri Elman Rüstəmov Prezident İlham Əliyevin Dünya Bankının Avropa və Mərkəzi Asiya regionu üzrə yeni təyin olunan vitse-prezidenti xanım Anna Byerde, Cənubi Qafqaz üzrə regional direktoru Sebastian Molineus və bankın digər nümayəndələri arasında videokonfrans formatında təşkil olunmuş görüşdə deyib.

E.Rüstəmov Dünya Bankı ilə potensial əməkdaşlıq sahələrindən danışıb və qeyd edib ki, ötən il Dünya Bankı ilə yeni milli iqtisadi inkişaf strategiyasının hazırlanması üzrə danışıqlara başlanılıb: "Hazırda biz 2016-2020-ci illəri əhatə edən ölkə tərəfdaşlıq strategiyaları əsasında çalışırıq və bunun da müddəti cari vəziyyət nəzərə alınaraq bir il artırılıb".

Mərkəzi Bankın sədri, həmçinin maliyyə sektorunun qiymətləndirilməsi proqramı üzərində çalışmağın hər iki tərəf üçün faydalı olacağına əminliyini ifadə edib.

APA

VTB