USD1,7000
EUR1,8634
GBP2,1133
RUB0,0208

"Hyundai" sürücüsüz avtomobil istehsal edəcək

23.09.2019 Dünya
0 0
Cənubi Koreya mərkəzli avtomobil şirkəti "Hyundai Motor Group" və İrlandiya mərkəzli avtotexnologiyalar şirkəti "Aptiv" birgə müəssisə yaradır.

"Kommersant.az" xəbər verir ki, bu haqda sözügedən şirkətlər açıqlama verib.

Belə ki, müəssisə avtonom (öz-özünə idarə olunan) avtomobillərin istehsalı ilə məşğul olacaq. Dəyəri 4 milyard dollar olacaq yeni müəssisədə hər iki şirkət 50% paya sahib olacaq.

Bu, gələcək mobillik texnologiyası üzrə geri qalan "Hyundai Motor Group" üçün böyük yatırım hesab olunur.

Qeyd edək ki, birgə müəssisənin 2020-ci ildə tam sürücüsüz sistemləri sınaqdan keçirməyə başlayacağı və 2022-ci ildə hazır idarəetmə platformasına sahib olacağı deyilir. (Finans.az)