15.03.2021 Bank

0 0

“Kommersant.az” analitika saytı olaraq hər iki bankın maliyyə göstəricilərini və arada olan fərqi təqdim edirik:

Cədvəldə də qeyd olunduğu kimi “Bank Respublika”nın cəmi aktivləri “Rabitə Bank”dan 203 milyon 123 min manat çoxdur. Bunun 29 milyon 665 min manatı xalis kreditlərin payına düşüb. Belə ki, “Rabitə Bank”ın xalis kreditlərinin həcmi raqibindən 7.4% çox olub. “Rabitə Bank” kreditlər bölgüsündə istehlak keditlərinə görə “Bank Respublika”dan 50 milyon 92 min manat öndədir. “Bank Respublika” biznes kreditlərinə üstünlük verdiyinə görə sözügedən kredit növündə “Rabitə Bank”ı 89 milyon 816 min manat geridə qoyub. Daşınmaz əmlak kreditlərinə fokuslanmayan bankların arasında 12 milyon 840 min manat “Rabitə Bank”ın xeyrinə fərq yaranıb.

“Bank Respublika” depozit portfelinə görə rəqibini 143 milyon 454 min manat ötə bilib. Buna görə də banklar arasında 220 milyon 945 min manat öhdəliklər cəmində “Bank Respublika”nın xeyrinə fərq yaranıb. Depozitlər bölgüsündə “Rabitə Bank” rəqibindən fiziki şəxslərin əmanətlərinə görə 80 milyon 113 min manat, hüquqi şəxslərin əmanətlərinə görə isə 63 milyon 341 min manat geridə qalır.

“Bank Respublik” xalis faiz gəlirinə görə “Rabitə Bank”ı 10 milyon 903 min manat üstələsə də əmliyyat mənfəətində rəqibindən 1 milyon 675 min manat arxadadır. Bu dinamikanın nəticəsində “Bank Respublika”nın xalis mənfəəti “Rabitə Bank”dan 3 milyon 841 min manat çox olub.

“Rabitə Bank”ın məcmu kapitalı “Bank Respublika”dan 19 milyon 544 min manat çoxdur.

Qeyd edək ki, “Rabitə Bank”ın Müşahidə şurasının sədri Zakir Nuriyev, İdarə Heyətinin sədri isə Elçin Qədimovdur. “Bank Respublika”nın isə Müşahidə Şurasının sədri Şakir Rəhimov, İdarə Heyətinin sədri isə Tariyel İsmayılovdur.