AZAL 10 ədəd “Boeing” alınması haqda olan müqaviləni ləğv etdi
Bu barədə "Azərbaycan Hava Yolları" (AZAL) QSC-nin məlumatında deyilir. "Biz "Boeing 737 MAX-8" təyyarələrinin təhlükəsizliyi ilə bağlı səbəblərdən onları almaqdan rəsmi qaydada imtina etmişik", - deyə AZAL-dan agentliyinə bildiriblər. 2017-ci ilin aprel ayında Azərbaycanın "Silk Way Airlines" aviaşirkəti və Amerikanın "Boeing" Korporasiyası 10 ədəd "Boeing 737 MAX-8" sərnişin təyyarəsinin alınmasına dair müqavilə imzalayıb. "Azərbaycan Hava Yolları" sözügedən təyyarələrin operatoru olmalı idi. Müqavilənin ümumi dəyəri təxminən 1 mlrd. dollar təşkil edib. Müqavilə çərçivəsində təyyarələr Azərbaycana 3 il ərzində gətirilməli idi. Qeyd edək ki, son zamanlar "Boeing 737 MAX" təyyarələrinin qəzaya uğraması nəticəsində bir sıra aviaşirkətlər bu təyyarələrdən istifadəni müvəqqəti dayandırıb. Hazırda AZAL "Boeing 787", "Boeing 767", "Boeing 757", eləcə də "Airbus 340", "Airbus 320", "Airbus 319" və "Embraer 190" təyyarələrini istismar edir. İnterfaks-Azərbaycan
Digər xəbərlər
Taksi fəaliyyəti ilə bağlı hazırlanan qanun - Detallar necə olmalıdır?
