USD1,7000
EUR1,8634
GBP2,1133
RUB0,0208

Dünya Bankı pandemiya ilə mübarizə üçün 160 milyard dollara qədər vəsait ayıracaq

05.05.2020 İqtisadiyyat
0 0
Növbəti 15 ay ərzində Dünya Bankı (DB) dünya ölkələrinə yeni növ koronavirus pandemiyası ilə mübarizə aparmaq üçün 160 milyard dollara qədər vəsait ayıracaq.

"Kommersant.az"-ın məlumatına görə, bu barədə qurumun mətbuat xidmətinin açıqlamasında deyilir.

"Epidemioloji nəzarətin genişləndirilməsinə, tibbi proqramların keyfiyyətinin yaxşılaşdırılmasına və iş yerlərinin saxlanmasına kömək etmək niyyətindəyik. Növbəti 15 ay ərzində ölkələrə yoxsul və həssas insanları qorumaq üçün 160 milyard dollara qədər maliyyə dəstəyi edəcəyik",- açıqlamada bildirilib.

Qeyd edilir ki, yeni növ koronavirusun yayılması ilə mübarizə üçün DB-nın Avropa və Orta Asiya ölkələrinə dəstəyi artıq 1,4 milyard dolları keçib.

DB bu vəsaitlərin "tibbi avadanlıqların, o cümlədən test sistemləri, respirator və süni havalandırma cihazlarının alınması, həmçinin sağlamlıq sistemlərinin gücləndirilməsi, tibb işçilərinin hazırlanması və COVID-19-dan zərər çəkmiş əhalinin ən həssas qruplarına sosial dəstək verilməsi üçün" ayrıldığını vurğulayır.

  • Əvvəlki

    Azərbaycanda əksəriyyət bu mobil operatordan uzaqlaşır

Digər xəbərlər

22.07.2024 İqtisadiyyat
Çinin qızıl idxalı azalıb
0 0
22.07.2024 İqtisadiyyat
Morgan Stanley-dən yeni neft proqnozu
0 0