Oracle şirkəti də TikTok-un bizneslərinin alınması üzrə danışıqlar aparır

Proqram təminatının yaradılması ilə məşğul olan Oracle şirkəti TikTok servisinin ABŞ, Kanada, Avstraliya və Yeni Zelandiyadakı bizneslərinin əldə olunmasında maraqlıdır. Bu barədə Financial Times saytı xəbər verib. Məlumata əsasən Oracle şirkəti TikTok-da pay sahibi olan vençur şirkətlər ilə danışıqlar aparır. CNBC saytının məlumatına əsasən həmin vençur şirkətlər arasında General Atlantic və Sequoia Capital var. Oracle və TikTok təmsilçiləri bu məsələyə fikir bildirməkdən imtina ediblər.

Oracle şirkətinin iştirakı ilə olan danışıqlar artıq uzun müddətdir ki, aparılır və o, Microsoft ilə birlikdə bu məsələdə digər şirkətləri geridə qoyub. Qeyd etmək lazımdır ki, Oracle heç bir sosial şəbəkəyə və ya videoservisə sahib deyil. Şirkətə sadəcə olaraq TikTok istifadəçilərinin məlumatları maraqlı ola bilər. Belə ki, Oracle həmin məlumatlardan istifadə edərək öz marketinq məhsullarını yaxşılaşdıra bilər. Lakin bir mediaşirkətin alınması üçün 10-larla milyard dollar xərcləmək Oracle üçün böyük dəyişiklik ola bilər.

Kommersant.az

Xəbərin müəllifi

Facebok Twitter LinkedIn

Əvvəlki
Qatar Petroleum Anqolada kəşfiyyat müqaviləsinə qoşulub
Sonrakı
Beyrut limanının baş direktoru həbs edildi

Digər xəbərlər

31.10.2025 İqtisadiyyat