USD1,7000
EUR1,8634
GBP2,1133
RUB0,0208

Trampın qızı "milyarder bunkeri" aldı

09.12.2020 İqtisadiyyat
0 0
ABŞ Prezidenti Donald Trampın qızı İvanka və həyat yoldaşı Cered Kuşner Mayami şəhərindəki İndian-Krik sahilində "milyarder bunkeri" adlandırılan torpaq sahəsi alıb.

"Kommersant.az" xəbər verir ki, bunkerin dəyərinin 31,8 milyon dollar olduğu bildirilir. Xüsusi və qapalı yer olan İndian-Krik Floridanın ən təhlükəsiz məkanlarından biridir. Burada 29 iqamətgahda 13 polis məmuru var.

Qiymətə 75 sot ərazi və şəxsi 61 metrlik bənd daxildir. Ərazi Trampın xüsusi iqamətgahı Mar-a-Laqodan bir saatlıq məsafədə yerləşir. Alınan mülk üçün İvanka və Cered ildə 472,8 min dollar vergi ödəməli olacaqlar.

Qeyd edək ki, cütlük Mayami və Palm-Biç ərazisindəki bir çox əmlak və ərazini araşdırıb. Eyni zamanda Nyu-Yorkdakı Park prospektində bir mənzilə sahibdirlər və Trampın qolf klubu yaxınlığındakı Bedminster koteclərini də genişləndirirlər.

© Bütün hüquqlar qorunur 2025

Kommersant.Az