27.02.2023 İqtisadiyyat

4 0

Ətin kiloqramı ilin əvvəlindən 130 lirədən 180 lirəyə qalxıb. İstanbul Pərakəndə Qəssablar Palatasının sədri Aydın Tüfekçi zəlzələnin baş verdiyi tarixdən etibarən həftədə iki dəfə qiymət artımı olduğunu bildirərək, bəzi böyük şirkətlərin qiymətləri artırdığını iddia edib. Tüfekçi, “Zəlzələ səbəbiylə Maraş və Antepdə kəsimin olmaması bəhanə kimi göstərilir. Amma o bölgədən İstanbula çox az məhsul gəlir. Zəlzələ zonasında yalnız Elbistanda inteqrasiya olunmuş obyektlər var, digərləri irili-xırdalı kəsimxanalardan ibarətdir. Sözügedən kəsim məntəqələrində tam gücü ilə olmasa da artıq kəsim başlanıb. Belə çətin bir zamanda həmrəy olmalıyıq, amma bunu qiymət artımına çevirməyi mənəvi cəhətdən düzgün hesab etmirik”.

Tüfekçi son qiymət artımları ilə bir kiloqram dana ətinin qiymətinin 280 lirəyə, quşbaşı ətin isə 300 lirəyə qalxdığını, bəzilərinin isə istehsalçıya “heyvanınızı kəsməyin bu il qiymətlər artacaq” dediyini bildirib. İstehsalçıların qiymətlərin sürətlə artması səbəbindən kəsim üçün heyvan verməsini dayandırdığını bildirən Tüfekçi, mal ətinin topdansatış qiymətinin 180 lirə olduğunu bildirdi.

Hazırda 5 min ton mal ətinin idxalına başlandığını bildirən Tüfekçi, “Bununla yanaşı, ESK Uruqvaydan kəsim mal-qarası idxal etməyə başladı və onlar gəmilərə yüklənərək yola düşürlər. Qiymətləri nəzarət altına almaq üçün kifayət qədər heyvan idxal olunacaq. İstəməzdik ki, idxal yerli seleksiyaçıya təsir etsin, amma zəlzələni bəhanə edərək qiyməti qaldırmaq düzgün deyil”.