Azərbaycanda sement istehsalı ilə məşğul olan “HGC Group” MMC nizamnamə kapitalını 52,78% və yaxud 190 milyon manat azaldaraq 170 milyon manata endirdiyini elan edib.
Bu barədə Vergilər Nazirliyinin "Vergilər" qəzetinin xüsusi buraxılışında məlumat verilib.
Xatırladaq ki, "HGC Group" 2013-cü ildə yaradılıb. Şirkətin sement zavodu (Akkord Sement) Qazax rayonunun Daş Salahlı kəndində fəaliyyət göstərir.
07 iyun 2016-cı ildə Almaniya Federativ Respublikasında "Akkord STİK "ASC ilə "HeidelbergCement" AG arasında Qazax Sement Zavodunun tam ortaqlığı, "HeidelbergCement" AG-nin Gürcüstan Respublikasındakı müəssisələrinin 75/25 faiz nisbətində ortaqlığa dair memorandum imzalanmışdı.