.jpg)
ABŞ ehtiyatları neft qiymətlərini dəstəkləyib
Dünən 64.58 dollara yüksələn Brent markalı neftin qiyməti günü 63.15 dollardan bağladı.
Bu gün səhər saat 9:47-yə olan məlumata görə, Brent markalı neftin qiyməti bağlanış qiyməti ilə müqayisədə təxminən 0.1 faiz artaraq 63.21 dollara çatıb. Eyni zamanda, Qərbi Texas Aralıq neft (WTI) markalı neftin bir bareli 59.33 dollardan ticarət edilib.
Qiymətlərin qismən artması dünyanın ən böyük neft istehlakçısı olan ABŞ-da xam neft ehtiyatlarının gözləniləndən daha böyük azalması ilə əlaqədardır.
ABŞ Enerji İnformasiya Administrasiyasının (EIA) məlumatlarına görə, ölkənin kommersiya xam neft ehtiyatları ötən həftə təxminən 3.4 milyon barel azalıb. Bazarın təxminən 600.000 barel azalma gözləntiləri var idi.
Ehtiyatların azalması neft emalı zavodlarının fəaliyyətinin artdığını və ixrac tələbatının artdığını göstərir. Əksinə, benzin ehtiyatlarının artması daxili tələbatla bağlı suallar doğurub.
Digər xəbərlər
İsveçrədə super varlıları hədəf alan yeni miras vergisi planı rədd ediləcək
