10.02.2026 İqtisadiyyat

0 0

Beynəlxalq bazarlarda Brent markalı xam neftin qiyməti 68,65 dollardan satılır.

Dünən 69,13 dollara yüksələn Brent markalı xam neftin qiyməti günü 68,68 dollardan bağladı.

Bu gün saat 09:25-ə olan məlumata görə, Brent markalı xam neftin qiyməti bağlanış qiyməti ilə müqayisədə 0,04% azalma ilə 68,65 dollar təşkil edib. Eyni zamanda, Qərbi Texas Intermediate (WTI) markalı xam neftin qiyməti 64,09 dollardan satılırdı. Qiymətlərin məhdud enişinə ABŞ-İran münasibətlərindəki potensial gərginlik və vacib iqtisadi məlumatlardan əvvəl ehtiyatlı yanaşma təsir edib.

"Omanda dolayı danışıqlar"

İranın xarici işlər naziri Abbas Əraqçi Misir xarici işlər naziri Bədr Əbdülətti və Səudiyyə Ərəbistanının xarici işlər naziri Faysal bin Fərhanla "Omanda dolayı danışıqlar" mövzusunda fikir mübadiləsi aparıb. Görüş zamanı İran və ABŞ arasında Omanda dolayı danışıqları "yaxşı başlanğıc" adlandıran Əraqçi bildirib ki, ABŞ tərəfinin niyyət və məqsədlərinə qarşı inamsızlıq aradan qaldırılmalıdır.

Bu açıqlamalar neft tədarükü ilə bağlı narahatlıqları aradan qaldırdı və qiymətlərə aşağı təzyiq göstərdi.

Lakin, İran İnqilab Keşikçiləri Korpusunun siyasi məsələlər üzrə komandir müavini vəzifəsini icra edən Əziz Qəzənfəri ABŞ-ın Oman danışıqlarından əvvəl İrana dörd şərt təqdim etdiyini və qəbul edilmədiyi təqdirdə hücum edəcəyi ilə hədələdiyini bildirdi.