Rusiya Federasiyası Prezidentinin mətbuat katibi Dmitri Peskov hesab edir ki, dünya enerjisinin maraqları naminə neftin qiymətini dəstəkləmək lazımdır. Bu, digər ölkələrin razı olub-olmamasından asılı deyil.
“Biz neft hasil edən ölkələrin qəbul etdiyi qərarları rəhbər tuturuq. Bu halda OPEC və OPEC+-ın mövqeyi önəmlidir və neftin dünya bazar qiymətini saxlamaq dünya enerjisinin maraqlarına uyğundur. Diqqətimizi məhz buna yönəltməliyik və digər ölkələrin razı və ya narazılıq prinsipi onların işidir”, - deyə Peskov jurnalistlərə bildirib.