İsrail elan etdi: "İran atəşkəsi pozdu, biz radar obyektini vurduq"

İsrail İranın atəşkəs qərarından sonra prosesi iki dəfə pozduğunu iddia edərək, Tehran yaxınlığındakı radar obyektini məhv etdiklərini açıqlayıb. ABŞ prezidenti Donald Tramp bu gün İsrail və İranın atəşkəslə bağlı razılığa gəldiyini açıqlayıb.

İsrailin baş nazirliyi İranla atəşkəslə bağlı yeni açıqlama verib. Bəyanatda İranın atəşkəsi iki dəfə pozduğu və İsrail ordusunun Tehrandakı radar obyektinə hücum etdiyi iddia edilir.

“Tehran yaxınlığındakı radar obyekti məhv edilib”

İsrail Baş nazirliyi bu barədə açıqlama verib:

"Atəşkəs saat 07:00-a təyin edilib. Saat 03:00-da İsrail Tehranın ürəyinə şiddətli hücum edib, rejim hədəflərini vurub, yüzlərlə Bəsic və İran təhlükəsizlik işçisini öldürüb.

Atəşkəs qüvvəyə minməzdən bir müddət əvvəl İran raket hücumlarına başlayıb, onlardan biri Beerşebada 4 nəfərin ölümü ilə nəticələnib. Atəşkəs saat 07:00-da qüvvəyə minib. İran daha sonra saat 07:06-da İsrail ərazisinə raket, 10:25-də isə iki raket atıb. Raketlər heç bir itki və zərər vermədən tutuldu və ya açıq ərazilərə düşdü. İranın pozuntularından sonra İsrail Hərbi Hava Qüvvələri Tehran yaxınlığındakı radar obyektini məhv edib”.