İran prezidenti maaşını açıqladı

İran prezidenti Məsud Pezeşkyan ölkəsindəki valyuta devalvasiyasının miqyasını təəccüblü bir nümunə ilə göstərdi. Pezeşkyan prezident kimi aylıq maaşının təxminən 1000 dollar olduğunu bildirdi.

İran prezidenti Məsud Pezeşkyanın maaşı ilə bağlı açıqlaması ölkənin iqtisadi vəziyyətini yenidən diqqət mərkəzinə gətirib.

Gülüstan əyalətində keçirilən səhiyyə sistemi iclasında çıxış edən Pezeşkyan səhiyyə naziri olduğu dövrdə maaşların dollarla ifadədə daha yüksək olduğunu və prezident kimi hazırkı maaşının təxminən 1000 dollar olduğunu bildirib.

"Valyutanın devalvasiyası problemin mahiyyətidir"

Pezeşkyan keçmiş prezident Məhəmməd Xatəminin dövründə səhiyyə nazirinin müavini işlədiyi illərdən bəhs edərək İran valyutasının o dövrdə daha güclü olduğunu bildirib.

O, kəndə səfəri zamanı həkimlərin gecəyə qədər işlədiyini gördüyünü və bunu yüksək maaşlarla əlaqələndirdiyini xatırladıb.

Prezident bildirib:

"O vaxtlar 6000 tümən təxminən 6000 dollar idi. Lakin valyutanın devalvasiyası ilə bu gün mən prezident olaraq təxminən 1000 dollar maaş alıram. Problemin mahiyyəti budur."

“Səhiyyə sisteminin gücləndirilməsi bizim prioritetimizdir”

Pezeşkiyan çıxışında səhiyyə sistemində islahatların aparılmasına ehtiyac olduğunu vurğulayaraq, ailə təbabəti modelinin müraciət sisteminin əsasını təşkil etməli olduğunu bildirdi.

Ailə təbabətinin daha ədalətli, daha məsuliyyətli və daha yüksək keyfiyyətli səhiyyə xidmətləri göstərməyin ən təsirli yolu olduğunu bildirən Pezeşkiyan, səhiyyə işçilərinin ictimai məmnuniyyəti artıracaq həllər yaratmaq üçün birlikdə çalışmalı olduqlarını söylədi.