ABŞ BP-yə 20 il ərzində ildə 2 mln. ton maye qaz satacaq
22.05.2018
İqtisadiyyat
ABŞ-ın "Venture Global Calcasieu Pass" şirkəti ilə Böyük Britaniyanın BP şirkəti arasında maye qazın tədarükü ilə bağlı saziş imzalanıb.
"Kommersant.Az" xəbər verir ki, saziş amerikalıların BP-yə 20 il ərzində ildə 2 mln. ton maye qaz satmasını nəzərdə tutur.
Sazişə əsasən, BP maye qazı "Venture Global Calcasieu Pass"dan FOB (Free on Board) şərtləri əsasında alacaq. Qaz 2022-ci ildə istismara veriləcək qaz terminalından yüklənəcəq.
Xatırladaq ki, ABŞ şirkəti bundan əvvəl maye qazın satışı ilə bağlı Böyük Britaniya - Niderland müəssisəsi - "Shell", İtaliyanın "Edison S.p.A" və Portuqaliyanın "Galp" şirkətləri ilə 6 saziş imzalayıb.
Digər xəbərlər
