Bayden Varşavada müttəfiqləri ilə Putinə "siqnal göndərmək" üçün görüşəcək.
ABŞ prezidenti Co Bayden Kiyevə qısa və elan olunmamış səfərindən sonra Varşavada rəsmi proqrama başlayır.
Ağ Evin daha əvvəl elan etdiyi kimi, fevralın 21-də Bayden polşalı həmkarı Anjey Duda ilə görüşəcək və Rusiya prezidenti Vladimir Putinə, eyni zamanda Rusiya xalqına müraciət xarakterli çıxış edəcək. Amerika liderinin qarşıdakı çıxışının konkret təfərrüatları verilmir, lakin ABŞ dəfələrlə vurğulayır ki, Putinin qoşunları işğal olunmuş ərazilərdən çıxarmaq əmri verməlidir. Bu, Ukraynada hərbi əməliyyatları dayandırmaq üçün kifayətdir.