Google: İranın dəstəklədiyi qrupdan e-poçt ünvanlarına "fişinq poçtu" hücumu

Google-un Təhdid Təhlili Qrupu, İran tərəfindən dəstəklənən bir qrupun noyabrın 5-də ABŞ-da keçiriləcək prezident seçkilərində yarışan namizədlərə bağlı şəxslərin e-poçt ünvanlarına “fişinq poçtu” göndərməklə hücum etdiyi iddiaları ilə bağlı hesabat dərc edib. Google bu addımı ilə İranın ABŞ prezident seçkilərinə kiber müdaxiləsi ilə bağlı Microsoft-un dərc etdiyi hesabatı da təsdiqləyib.

Google bildirib ki, İran İnqilab Keşikçiləri Qvardiyasına bağlı bir qrup may və iyun aylarında ABŞ prezidenti Co Bayden və keçmiş prezident Donald Trampın prezident seçkiləri kampaniyası ilə əlaqəli şəxslərin şəxsi e-poçt hesablarına daxil olmağa cəhd edib.

“Microsoft”un İranın ABŞ prezident seçkilərinə kiber müdaxiləsi ilə bağlı dərc etdiyi hesabatı təsdiqləyən Google hesabatında qeyd edib ki, qrup özünü etibarlı göndərici kimi göstərərək alıcıların məlumatlarını oğurlamağa cəhd edib. Hesabatda may və iyun aylarında baş verən hücumlarda hədəfə alınanlar arasında keçmiş və indiki administrasiya rəsmiləri ilə yanaşı, prezident seçkiləri kampaniyası ilə əlaqəsi olan şəxslərin də olduğu bildirilib.

Hesabatda bildirilirdi ki, qrup iyun ayında baş siyasi məsləhətçinin Gmail hesabına giriş əldə edib və vəziyyət barədə səlahiyyətlilərə məlumat verilib. Hesabatda qrupun İsrail diplomatlarına, alimlərinə, qeyri-hökumət təşkilatlarına və hərbi təşkilatlara da fişinq e-poçtları göndərdiyi iddia edilib.

Narmin Gani

Xəbərin müəllifi

Facebok Twitter LinkedIn

Əvvəlki
Barclays Yaponiya üçün artım proqnozunu artırır
Sonrakı
“Fitch Solutions” Azərbaycanda inflyasiya üzrə proqnozunu açıqlayıb

Digər xəbərlər

13.06.2025 Siyasət