16.01.2024 Problemli Banklar

0 0

Kommersant.az xəbər verir ki, bankın aktivlər cəmi 11 milyon 407 min manat və ya 4.78 faiz artaraq 249 milyon 900 min manata bərabərləşib. Bu artımın əsas səbəbi bankın kredit portfelinin 2022-ci ilin son rübü ilə müqayisədə 17.11 faiz artmasıdır.

“Bank VTB”nin müştərilərinə verdiyi istehlak kreditləri 4 milyon 367 min manat artaraq 78 milyon 800 min manata, biznes kreditləri 14 milyon 365 min manat artaraq 64 milyon 551 min manata, ipoteka kreditləri isə 8 milyon 613 min manat artaraq 47 milyon 769 min manata yüksəlib. Nəticədə bankın müştərilərinə verdiyi kreditlər 187 milyon 120 min manat olub ki, bu da 2022-ci ilin son rübü ilə müqayisədə 27 milyon 345 min manat və ya 17.11 faiz artaraq 187 milyon 120 min manata artıb.

Mümkün zərərlər üçün yaradılan məqsədli ehtiyatını 1 milyon 297 min manat artıraraq 23 milyon 358 min manat edən “Bank VTB”nin xalis kreditləri 163 milyon 761 min manat olub ki, bu da ötən ilin sonu ilə müqayisədə 26 milyon 48 min manat çoxdur.

Hüquqi şəxslər “Bank VTB”dən üz çevirib. Onların depozitləri 2022-ci ilin sonu ilə müqayisədə 7 milyon 13 min manat azalaraq 24 milyon 45 min manata enib. Fiziki şəxslərin əmanətləri isə 1 milyon 512 min manat artaraq 65 milyon 305 min manat a yüksəlib.

“Bank VTB”nin öhdəliklər cəmi 570 min manat artaraq 158 milyon 845 min manata yüksəlib.

Səhmdar kapitalını dəyişdirməyən “Bank VTB”nin yığılmış zərəri azalıb. Belə ki, bankın sözügedən zərəri 10 milyon 608 min manat azalaraq 226 milyon 225 min manata enib. Bankın ümumi ehtiyatları isə 228 min manat artaraq 1 milyon 465 min manata yüksəlib. Buna görə də bankın kapital cəmi 10 milyon 836 min manat artaraq 91 milyon 55 min manata bərabər olub.

“Bank VTB”nin faiz gəliri 2022-ci ilin eyni dövrü ilə müqayisədə 2 milyon 31 min manat artaraq 26 milyon 949 min manata yüksəlib. Bankın faiz xərcləri 933 min manat azalaraq 6 milyon 828 min manata enib. Buna görə də “Bank VTB” 18 milyon 939 min manat xalis faiz gəliri əldə edib ki, bu da ötən ilin sonu ilə müqayisədə 2 milyon 626 min manat çoxdur.

Qeyri-faiz gəliri 6 milyon 289 min manat azalaraq 8 milyon 23 min manata, qeyri-faiz xərcləri isə 5 milyon 348 min manat azalaraq 23 milyon 360 min manata enib. Nəticədə bankın əldə etdiyi əməliyyat mənfəəti 1 milyon 685 min manat artaraq 3 milyon 602 min manat olub.

“Bank VTB”nin xalis mənfəəti 1 milyon 296 min manat azalaraq 10 milyon 608 min manata düşüb.

Qeyd edək ki, bankın məcmu kapitalı 10 milyon 44 min manat artaraq 83 milyon 638 min manata bərabərləşib.