“Balaca dostlarımız, böyük futbolda - FOTO

31.05.2018 İdman
Mayın 29-da Bakı Olimpiya Stadionunda keçirilmiş Azərbaycan - Qırğızıstan dostluq görüşündə komandalar meydana daun sindromlu uşaqlarla birlikdə daxil olmuşdular.

"Kommersant.Az xəbər verir ki, bu sosial layihə Hyundai-ın Azərbaycanda rəsmi distribyutoru "Auto Azerbaijan" şirkəti və Azərbaycan Futbol Federasiyaları Assosiasiyası (AFFA) tərəfindən birlikdə təşkil edilib.

"İnanırıq ki, balaca dostlarımızın pozitiv enerjilərinin və səmim dəstəklərinin qazandığımız möhtəşəm qələbədə rolu böyükdür! Çox sağ olun, dostlar! Bu diqqəti və həssaslığı gündəlik həyatda da göstərib bərabərliyimizin fərqində olduğumuzu hiss etdirmək çox önəmlidir!"- "Auto Azerbaijan" şirkətindən bildirilib.

Bu sosial təşəbbüs "Auto Azerbaijan" şirkətinin "Gələcəyimiz üçün əl-ələ" layihəsi çərçivəsində reallaşdırılıb.