“Kapital Menecment”in kapitalı artırılır - MƏBLƏĞ
Məlumata görə, bununla bağlı qərar şirkətin səhmdarlarının ümumi yığıncağında qəbul edilib.
Kapital artımı üçün dövriyyəyə hər birinin nominal dəyəri 1 manat olan 200 min ədəd yeni səhm buraxılacaq və onları "Kapital Menecment"in mövcud səhmdarları indiki paylarına uyğun olaraq əldə edəcəklər. İnvestisiya şirkətinin nizamnamə fonduna gələcəkdə də əlavə pul qoyulacağı istisna deyil.
Xatırladaq ki, "Kapital Menecment" 2002-ci ildə "Texnika Kapital Menecment" adı ilə yaradılıb, 2015-ci ildə rebrendinq edib. "Texnika Bank"ın lisenziyası ləğv edildikdən sonra investisiya şirkəti Bankın ləğvedicisi olan Azərbaycan Əmanətlərin Sığortalanması Fondunun (ADIF) nəzarətinə keçib. Bir qədər əvvəl isə Böyük Britaniyanın "Plato Capital International Holding Limited" investisiya şirkəti "Kapital Menecment"in səhmlərinin 99%-ni əldə edib. Səhmlərin qalan 1%-i isə adı açıqlanmayan xarici investora məxsusdur.
Report
Digər xəbərlər
Azərbaycan banklarının 2025-ci ildə əldə etdikləri xalis gəlirin həcmi açıqlandı
